كتب / أحمد يوسف
من الحاجات إلى مش ممكن ننكرها ولا نهرب منها مهما تطورنا فى حياتنا بشكل عام هى نفسيتنا الغريبة إلى بتسوء مع كل دقيقه بتمر عادت حاجات كتير جدا متوفرة لينا ومسهللنا كل امور حياتنا لو عاوز تنتقل وتروح دولة تانية غير دولتك مش هتستخدم الجمل وتقعد فى السفر أسبوع أو اثنين دلوقتي مش هتاخد غير ساعات قليلة جدا وهتوصل لوجهتك ولو عاوز تعمل مشروب سخن مش هتستنى لما تجيب المياه من الصنبور وتسخنهاوبعدين تضيف المشروب دلوقتي فى خلال ثوانى مشروبك بيبقى جاهز وبنفس اللذة وممكن اكتر فى لذته حاجات كتير قوى عادت سهلة لدرجة أنك معتش بتحس بقيمتها من كتر سهولتها بس مع كل تطور احنا بنعيشه ومع كل اختصار للوقت وتوفير فيه عادت نفوسنا بتزيد فى غيرتها وكرهها معدتش تحب تشوف حد احسن منك ولا بيتعداك بربع درجة مش معنى كده انى بقلل من الناس إلى بتغير فى سبيل التحسن لا بس دلوقتي غيرتنا مش موجودة فى نطاق التحسن من حال لحال غيرتنا دلوقتي أصبحت مرض ممكن دلوقتي يكونوا اخين موجودين واخ يتخلص من حياة أخوه لمجرد أنه مثلا عنده أحدث سياره واحدث أجهزة الكمبيوتر ممكن دلوقتي اخ ميكلمش أخوة بسبب انه معاه فلوس أكثر منه وحياته أفضل فى المستوى التعليمى اتحولت غيرتنا من تنافس للوصول للاحسن لكره وضغينه عدنا بنفكر أحيانا بتفاهه توصل لأنك ممكن تنقلب على اخوك بسبب انه معاه موبايل أحدث فى الامكانيات ورايي أحيانا من كتر ما الإنسان عاد عايش فى زمن موفرله كل حاجة بسهولة بدون التعب إلى كان بيبذله زمان خلى مشاعرنا الحلوة الدافيه تتمسح وكأنها مش موجودة وبدل ما يبقى همك دلوقتي ازاى أساعد اخويا فى سير حياته عاد بيشغلك هو الإصدار الجديد من نوع الموبايل كذا هيبقى متطور عن الموبايل إلى معاك فى اى .. عارف كويس جدا أن حياتنا اتحسنت بفضل تكنولوجيا العصر بس زى ما ليها فوائد كان ليها أضرار علينا ومش هنقدر ننكرها قطعت بينا الدفا والأمان قطعت بينا الحب الحقيقى وصلة الأرحام خلتنا عايشين في الدنيا بوشين وش حقيقى وسط الناس ووش تانى فى الاميل إلى حضرتك بستخدمه على الموبايل الخاص بيك ممكن انسان يكلمك وانت مش طايقه وبكام رسالة توهمه انك بتحبه لدرجة أن حياتك هتقف من غيره .
حاول تركز فى الحقيقه واوعى تخفيها وتعيش بوشين وبقلبين .
فكر. ركز. هتعيش بوش واحد لأن ببساطة إلى عاوزك هيقبل بيك على اى وضع ومهما كانت عيوبك
كان زمان
فى 17 سبتمبر 2021
اكتب تعليقك