كلمات .. نبيل بدر
إوعى تفكرني ناسي أو بارمي عليك التماسي
الحكاية إن عندي واد وبنت عليهم بقاسي
خايف عليهم من دماري من حريقي لما أقاسي
عرفت ليه إنى مش ناسي ولا بارمي التماسى
بكره ييجي يوم نتحاسب مين اللي جار على الجار
وكبّر مآسي وقلبها ضلمة بقلب قاسى
إوعى تفكرني ناسي أو بارمي عليك التماسي
الحكاية إن عندي واد وبنت عليهم بقاسي
فاتت سنين والمسافة بينى وبينك كتير
سفر ومشقة ولما فكر هتلاقينى عندك باطير
هتحكى عنك شلّتك من الخداع قناطير
ويضحكوا بصوت عالى بدون تفسير
لكن ربك كريم هتشوف مرايتك طول السنين
اللي زرعته هتحصده نار ودمار كبير
إوعى تفكرني ناسي أو بارمي عليك التماسي
الحكاية إن عندي واد وبنت عليهم بقاسي
صبرى كان طويل واتعجب له من الناس كتير
شفت من بعيد اللى بيشاور كأنى حديد
وقلبى ميّت وعقلي فى وادى بعيد
شعرى شاب و قلبى داب من العتاب
طول السنين محن وقصص ولا الأساطير
يوم ما اشوفك هاخلص حق كل السنين
كلها وقت وتيجي المظالم معاك يا ظالم
إوعى تفكرني ناسي أو بارمي عليك التماسي
الحكاية إن عندي واد وبنت عليهم بقاسي
القافلة الطبية الشاملة بالجيزة (( بداية جديدة لبناء الأنسان ))
فى 25 نوفمبر 2024
إطلاق جائزة باشراحيل للإبداع الأدبي
فى 13 نوفمبر 2024
حفل توقيع الأعمال الكاملة للشاعر عبد الله باشراحيل
فى 10 نوفمبر 2024
اكتب تعليقك