01:28 - 15 أبريل 2016

حوار مع الفنانة صابرين انور

كتب عمرو داود
س ممكن تعرفينه بنفسك؟
صابرين انور فرج سعيد وعمرى ٢١سنه من مواليد الجيزة وبدرس سياحة وفنادق.
س ازاي دخلتى عالم الفن؟
دخلت عالم الفن اولا بموهبتى لانى موهوبة منذ الصغر وانا بحب التمثيل والتقليد وبحب اتفرج على الفنانين وازاى يمثلوا بس مكنتش اتوقع وانا صغيرة انى ممكن اكون ممثلة بس كان حلم جوايا بس لما كبرت نمتها لانى ليه اصدقاء كثير ممثلين ومخرجين ومغنيين فشجعونى بس ده من اربع اعوام وحد من اصدقائى اخدنى للمخرج محسن عبد المعطي وهنا البداية.
س ماهى اهم اعمالك؟
اهم اعمالى هى فيلم ابواب الشر وهو تاليف واخراج مروان الشافعي وهو دور دراما صعيدية والان بصور فى فيلم حلم ميت تأليف وإخراج يوسف حمدى وهو فيلم اجتماعى ورومانسى واكشن مختلط يعني وكنت مشاركة باداء تمثيلى فى كليب للمطربه صابرين النجيلى وهي صديقة الى هى وكل كاست العمل وهو اخراج محمد عبد الحكيم وقبل ذلك كنت مسرح لفترة طويلة وهذا من خلال المخرج محسن عبد المعطي لان هو اللى علمنى ودربنى وفى اعمال قادمة افلام ومسلسلات وبرامج انتظرونى.
س من المثل الأعلى لكى من الفنانين؟
مثلى الاعلى من الفنانين من القدام وهم زمن الفن الجميل رشدى اباظة وحسن يوسف وشاديه وسعاد حسنى ومن الجيل الجديد عمتا بحب حسن حسنى واحمد السقا واحمد عز وكريم عبد العزيز ومصطفي شعبان ومحمد رمضان ومنى ذكى وغادة عادل وياسمين عبد العزيز وهم الاقربون الى قلبى مع ان فى فنانين كتير بحبهم.
س تردد مؤخرا بعض الاقاويل انك شقيقة الفنانة سماح انور فهل هذا صحيح ام تشابه اسماء؟
اولا انا بحب ومن عشاق الفنانة سماح انور واتمنى تكون اختى طبعا.
بس الحقيقة انه تشابه اسماء مع ان اختى الكبرى اسمها سماح يعني سماح انور لاكن الفنانة سماح انور تشابه اسماء.
س هل الممثل المصري فرصته افضل من الممثل العربي لتواجده فى هوليوود الشرق وهي مصر؟
فعلا الممثل المصري له فرصة كبيرة لان كل حاجه موجودة حواليه فيبقى الموضوع سهل شويه مع ان فيعرب كتير بيجوا مصر وينجحوا بس كل واحد والفرصة اللى امامه .

شارك الموضوع