كلمات الشاعر رزق جادو
أصرخ لمين وأنده لمين
غيرللحكومة والمسئولين
وأوصل ازاي الندا
بصرخة القلب الحزين
دمياط بتصرخ م الانين
علشان ولادها الصيادين
ضحايا البحر الطيبين
الناس الغلابة الشقيانين
راحوا فين وهما فين
أولاد دمياط الصيادين
ناس يقولوا غارقنين
ناس يقولوا مفقودين
وناس يقولوا مخطوفين
يا ناس قولولنا هما فين
جثثهم فين مركبهم فين
هما فين احياء كانوا
او حتي كانوا ميتين
راسونا بر يا مسئولين
نوابنا فين حكومتنا فين
اعملوا حاجة يامحسنين
الأمر صعب كمان مهين
دمياط بتصرخ م الانين
علشان ولادها الصيادين
يارب يا كريم يامعين
ارحم عبادك المستضعفين
كلمات الشاعر رزق جادو
كان زمان
فى 17 سبتمبر 2021
اكتب تعليقك