16:54 - 11 أغسطس 2018

 

بقلم الجورنالجية/ هبه فرج.

 

لما بتتكسري او تتظلمي محدش بيحس بكسرتك قدك ممكن يزعل عشانك وده هيبقي اهلك.. لكن اقرب الناس هيفرح فيكي
محدش هيمسح دموعك الا ايدك.. محدش هيعيش مكانك ولا هيتحاسب مكانك
حطي مبدا دايما متخليش اللي نفسه يفرح فيكي.. انه يفرح خليه دايما شايفك مش بتتكسري خلي ضعفك محدش يشوفه غيرك
عديتي ال 30. او ال40.. مطلقه… ارملة… ست كبيرة
خلي اللي يتحكم فيكي الطفله اللي جواكي المشاعر مع خبره مشاكل الدنيا واللي مريتي بيه
انا اعرف منين الحاجه طعمها وحش ولا حلو في الاكل الا لما ادوقها
كذلك الحياه لازم تتكسري.. عشان تتعلمي تقفي تقعي عشان تتعلمي تسندي نفسك.. تتحطمي عشان تقومي تكسري الدنيا تتجري عشان تلمي الجرح وتخيطيه وتجمليه كمان
هعرف منين الصح الا لو شفت الغلط ربنا عمل الحياة كده سيبك من اراء الناس.. الناس م هما الا حد محبط بيري الاخطاء ويتصيدها
بيحب يشوف غيره فاشل عشان ميحسش بفشله
لما تتخنقي وتجيبي اخرك خليكي مع ربنا بس اطلبي منه صدقيني هو اللي خلقنا كلنا ف مش كل حاجه هتبقي مكتوبه ليكي… خير شر ده ليه حكمه
ساعات بنتحط في مواقف بتوضح كل حاجه مش شايفنها كل حاجه بتعمل للخير..
فقدتي حبيبك.. صديقتك عيتلك شغلك مستقبلك ايان كان طول م بتتنفسي يبقي لسه في بدايه جديده
اعتبري ان النهارده اول يوم في حياتك حتي لو كان اصلا اخر يوم. .
اعتبريه اول يوم واشتغلي عليه كانه اخر يوم لازم تنجحي
فشلك في حياتك العاطفيه مش معناه فشلك في حياتك العمليه
فشلك في حياتك الدراسيه مش معناه فشلك في الحياه العاديه
الدنيا ناجح وخاسر يوم تغلبك يوم تغلبيها الاهم لما تقعي تقومي تقاومي تعافري
متسيبيش نفسك لدائرة الاحباط مخلفتيش ليه متججوزتيش ليه متخطبتيش ليه
اوعي تسيبي نفسك وحياتك لتخلف مجتمع كامل مجتمع فاشل مجتمع بيحاول يحبط غيره مجتمع بيجي بس علي الضعيف اوعي تفقدي ثقتك بنفسك اوعي توصلي حد انه يخليكي تفقدي قيمتك قوتك مشاعرك
قدامك حاجه واحده النجاح
انتي الام انتي الزوجة انتي البنت انتي الارادة انتي الطاقه الايجابيه
وراء كل رجل عظيم امراه ووراء كل امراه….. نفسها
اللي بيقلل من الست بيقلل من امه من مراته بيقلل من نفسه لانه جزء من امه

كلنا مسؤول…

فى 12 أبريل 2020

شارك الموضوع