كتب محمد نجم
انتشر في الفترة الاخيرة بعض الاصدقاء اللي انا بحترمهم بشكل شخصي وبحبهم جملة ولا عارف هيا دعاء ولا صفتها اية في اللغة العربية
( اللهم انتقم من السيسي ومن يؤيدة ويجي يقولك يارب يارب يارب )
تحس كدة وهو بيقول يارب انة محروق قوووي
ياعم صلي علي النبي
اولا : المؤيدون دول حبهم وخوفهم للبلد زيك بالضبط واهدافهم زي هدفك ولكن هما شايفين هدفهم من زواية مختلفة عندك .
ثانيا : المؤيدون دول ممكن يكون اخوك او صديق عمرك وبتدعي ومحروق لمجرد انة مختلف معاك في الرائ وبتخسرة وانت مش واخد بالك (والسبب انانيتك )
ثالثا : المؤيدون دول ناس هدفهم بسيط كل الحكاية انهم عاوزين البلد تمشي ومش عاوزين ثوارت تاني كفاية من 2011 لحد انهاردة البلد بتنزل تحت ولو حضرتك مقتنع ان البلد لو اتعمل فيها ثورة حاتقوم تبي غلطان وراجع التاريخ
ثالثا : حضرتك السبب في اللي البلد فيه دلوقتي اة انت السبب
انت اللي مصر تزرع الفتنة في المجتمع بجهلك وكل اللي يخالف معاك الرائ خلاص بقا عدوك اية ياعم فية اية لو حضرتك مقتنع برايك حاول تقنعني براحة ولو ما اقتنعتش برايك خلاص نفضل اخوات وحبايب ونفس الهدف واحد لكن للاسف. وواضح انك كرهت البلد مش السيسي والدليل كل لما تلاقي مصيبة في البلد تفرح وتقول انا مش قولتليكو ياعم الفصيح دي شماتة في بلدك مش في السيسي . السيسي دة فترة طالت او قصرت في الاخر هو ماشي
ثالثا : 70% من اتباع السيسي اللي حضرتك شغال علي الفاضي والمليان بتشحن الكرهه والضغينة بينك وبينهم معترضين علي بعض افعال السيسي ولكن شايفين انة هو المناسب في الوقت الحالي ولو حضرتك شايف ان مرسي يطلع من السجن ويمسك البلد يبي حضرتك (……….) مع احترامي للرئيس مرسي
الخلاصة كفاية فتن في البلد كفاية جهل كفاية كره . البلد مش ناقصة خلي عندك ولاء للبلد مش للسيسي ولا مرسي كفاية تفرقة بين الناس وما تنساش ان فية جزء كبير جدا من الشعب لا هو تبع السيسي ولا هو تبع مرسي ( ودة الجزء العاقل المتعلم المثقف اللي بيشوف مصلحة بلدة فين ويعملها ومش بيسمع شعارات من اي الطرفين دون النظر اللي زعل دة او كره الاخر وحضرتك ممكن تخسرة لمجرد عدم وعيك
رابعا : الدول عمالة تتقدم واحنا بنزل تحت واحنا كل هدفنا نشيل احمد ونركب الحاج احمد ركزو شوية في مصلحة البلد مش السيسي ولا مرسي
ا.د.احمدسلامةرئيس قسم الجراحة العامة بمستشفى الأزهر الجامعى بدمياط الجديدةالطبيب الإنسان
فى 10 أبريل 2020
العزيزة نجحت في تحدي المليون
فى 10 أبريل 2020
إصابة 3 اشخاص فى مشاجرة بالمنيا
فى 03 أبريل 2020
اكتب تعليقك