احمد يوسف
لو كل واحد مننا ابتدى بنفسه ياخد خطوة تغيير صح تجاه حاجه هو شايف ان فيها كوارث ومشاكل ومصايب او اخطاء وفساد وانعدام فى القيم والمبادئ والرحمه وكل واحد مننا مشافش غلط وقال وانا مالى اعتقد اننا هنعيش فى مجتمع يقترب من مجتمع المثاليه الى كلنا بنتمناه …مجتمع مهيبقاش فيه ام ترمى ابنها فى الشارع ولا اب يسحب ايده من نفقة ولاده ولا محسوبيه وواسطه متخلكش تقف فى صف انتظار ولا سرقة اثار وموارد ولا تهريب فى جمارك ولا عدم كتابة مخالفات مروريه علشان ٢٠ جنيه ولا سرقة انابيب وموتوسكلات من البيوت بالليل ولا تحرش ببنات فى الشارع ولا اعتداء على اطفال طاهره وبريئه ولا ولا ولا ولا ولا ولا ولا ولا ولا ….لو قعدنا نقول ولا هنكتب ملايين وممكن مليارات القضايا والمشاكل ولكن لو انت بتحب بلدك بجد الى شالتك على ارضها هتاخد خطوه وتقول هبتدى بنفسى ومش هبص واقول اشمعنه انا دا لو انت عاوز ولادك من بعدك يعيشوا فى مجتمع متخافش عليهم فيه مجتمع يكون امين عليهم ومحتويهم مش بيتحرش بيهم وبيهتك عرضهم ….انا هنا هدفى الاول والاخير اغير بس علشان اغير صح لازم ابتدى اغير ثقافة مجتمع غلط مودياه لكل المصايب دى عمرنا ما كنا كدا ولا عمرنا كانت افكارنا متخلفه احنا طول عمرنا السياده ودايما لينا السبق والرياده لازم تفكر صح علشان تقدر تعيش لان مجتمعك الصغير الموجود حواليك هو انعكاس لدائرة فكرك الصغيره الى بتدور فى عقلك ….هغير ثقافة مجتمع كامل ومتقوليش ازاى وانت سنك كدا لانى هرد عليك وهقلك السن عمره ما كان دليل عالضعف وهذكرلك امثله كتير اوى نجحت وصمدت وتعدت كل التوقعات والحواجز …هنتغير فى افكارنا وهمجيتنا وتصرفتنا الى عمرها ما كانت من اساستنا وهنبطل نقول على كل تصرف غلط او خطا او همجى ابتسم انت فى مصر ….هنوصل ببلدنا للعالى بس الاهم وجودنا معاها وان كل واحد مننا يبدا بنفسه انا صفحتى مفتوحه وصفحة البرنامج مفتوحه لكل شخص مرحب بالفكر القويم …انا معاك طول ما انت بادئ بنفسك وهدفك تغيير مجتمعك للاحسن انا احمد يوسف الاعلامى المستقبلى ابن دمياط
# برا الصندوق احمد يوسف
تعيين زعفان نائبا لمدير مستشفي المقطم أصدر الدكتور سامي سعيد
فى 03 مايو 2020
ا.د.احمدسلامةرئيس قسم الجراحة العامة بمستشفى الأزهر الجامعى بدمياط الجديدةالطبيب الإنسان
فى 10 أبريل 2020
العزيزة نجحت في تحدي المليون
فى 10 أبريل 2020
اكتب تعليقك