دمياط

18:40 - 08 مايو 2019

كلمات الشاعر رزق جادو
مصر ..دمياط
دمياط
ياللي بتسأل .. عن دمياط
صلى على المختار الهادي
وإشرب من إيدي الشربات
وإسمع منى تاريخ اجدادي
دمياط طول عمرها بالزات
مهد العلماء والرواد
دمياط بلد النيل والخير
عروس الدلتا وتاج الوادي
طول عمرها بلد الأبطال
لمصر الغالية مادة أيادي
ده مشرفة كان من النحيادي
وبنت الشاطئ بيتها قصادي
والكفراوي والزيات
والهجان حقق لي مرادي
وابو فاشا وشوشة و ذكي محمود
أعلام رواد فوق العادي
وحلمي حديدي والمحجوب
صنعوا مجد عظيم لبلادي
عبد المنعم والفناجيلي
قاهر الماتش ونجم النادي
مدكور أبو العز كان طيار
فخر لكل نسور الوادى
وفاروق باز . وضياء داود
سروا قلبي وسروا فؤادي
وشوقي ضيف ولطيفة زيات
فكر وعلم لكل أولادي
وغيرهم ياما في كل مجال
خايف أعد يتوه البال
دمياط مجد تاريخ ونضال
منها الشهدا والابطال
وادي ياسمين يحيى وفي الحال
ضربت لنا في العلم مثال
و شويقة شهيد مش عادى
ضحى بنفسه علشان زملائه
وكان الحامي وكان الفادي
دمياط عمرها بلد الأبطال
أسروا أولادها لويس التاسع
قيدوا إيده وأصبح دامع
دفع الفدية ووطي في رأسه
فرحت مصر وفرح الشارع
عيد دمياط القومي نيشان
لاولاد مصر في كل مكان
سعدك ياللي تزور دمياط
تخرج منها فرحان راضي
موبيليا جميلة والجودة محلي
كل في حلاوة يلا وحلي
ورأس البر مصيف عال
في كل الدنيا ماله مثال
دمياط مجد تاريخ ونضال
مهد العلماء والرواد
عروس الدلتا وتاج الوادي
طول عمرها بلد الأبطال
لمصر الغالية مادة أيادي
ياللي بتسأل عن دمياط
صلى على المختار الهادي
وإشرب من إيدي الشربات
وإسمع مني تاريخ أجدادي

شارك الموضوع