كلمات الشاعر المصري ابن دمياط
الشاعر رزق جادو
من دمياط مهد الأبطال
دمياط مجد تاريخ ونضال
علما اطبا في كل مجال
الهجان بطل الأبطال
ومشرفة في العلم مثال
والكفراوي كالبدر هلال
وبنت الشاطئ لها تمثال
وأبو فأشا وشوشة جمال وخيال
والفناجيلي والكورة إجوال
وغيرهم ياما في كل مجال
خايف أعد يتوه البال
دمياط شعب نساء ورجال
عنده عزيمة تهد جبال
شعب عظيم دايما شغال
عمره ماكان ابدا بطال
خبرة وصناعة فنون وجمال
أجمل غنوة على موال
أرقى موبيليا عال العال
في الحلويات اسألني يا خال
فجأة اتغير حالنا ومال
وصبح الحال غير الحال
ربنا أعلم بالأحوال
كل عقدة ولها حلال
إلانجاز محتاج أفعال
عمره ماكان ابدا أقوال
و نرجع تاني بلد العمال
رمز وقيمة للأجيال
يارب حقق لنا آمال
وغير حالنا لأحسن حال
احنا تعبنا وصبرنا طال
نفسنا بقى يتعدل الحال
ويجي الفرح وراحة البال
شغل وجهد ورزق حلال
في دمياط بلد الأبطال
دمياط مجد تاريخ ونضال
كلمات الشاعر المصري ابن دمياط
الشاعر رزق جادو
اهداء لشعب دمياط المكافح العظيم
كان زمان
فى 17 سبتمبر 2021
اكتب تعليقك